За незаконныя аперацыі з крыптавалютай двое мінчукоў могуць страціць мільёны
Маладыя людзі зарабілі тры мільёны рублёў.
Супрацоўнікі ўпраўлення па супрацьдзеянні кіберзлачыннасці УУС Міншчыны спынілі дзейнасць 21-гадовага жыхара сталіцы, які вёў незаконную прадпрымальніцкую дзейнасць па абароце крыптавалюты, паведамляе прэс-служба МУС.
З кастрычніка мінулага года па люты гэтага года малады чалавек зарабіў 1,8 мільёна рублёў на куплі-продажы токенаў. Па такой жа схеме 24-гадовы мінчук за чатыры месяцы атрымаў даход 1,2 мільёна рублёў.
За незаконную прадпрымальніцкую дзейнасць парушальнікам пагражаюць буйныя штрафы, а таксама вяртанне ў даход дзяржавы ўсёй сумы, якая прайшла праз іх крыптакашалькі.
Законам дазволены майнінг, набыццё, адчужэнне токенаў фізічнымі асобамі ў асабістых мэтах. Адна з умоў — не будаваць на гэтым бізнэс. Прадпрымальніцтва ў гэтай сферы для фізічных асоб забаронена.
Акрамя таго, такая дзейнасць можа пацягнуць за сабой крымінальную адказнасць за саўдзел у злачынстве — адмыванні або пераводзе грашовых сродкаў махляроў, наркагандляроў, асоб, якія маюць дачыненне да экстрэмізму ці тэрарызму.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч33
Каментары