Кіраўнікі раёнаў у Мінскай вобласці на верталётах агледзяць тэрыторыі
Кіраўнік Міншчыны Аляксандр Турчын на верталёце абляцеў вобласць і пабачыў шмат недахопаў.
«Трэба наводзіць парадак на зямлі! Днямі, пралятаючы на верталёце над большай часткай Мінскай вобласці, я адзначыў для сябе шэраг абуральных недахопаў, якія тычацца культуры земляробства і якасці правядзення сельгасработ. Па-першае, у многіх раёнах на палях непрыбраная салома, цэлыя рулоны ў дарагой стрэйч-плёнцы леташніх кармоў. Па-другое, праваленыя дахі ў кароўніках на фермах. Па-трэцяе, груды камянёў, парослыя хмызняком пасярод поля. Каб навесці парадак на зямлі, патрэбныя вялікія грошы!? Шмат пытанняў і датычна правядзення меліярацыі, пасля якой застаюцца зарослыя каналы», — абурыўся Аляксандр Турчын.
Ён падкрэсліў, што на працягу месяца па дамоўленасці з Мінскім аэраклубам ДТСААФ усе старшыні райвыканкамаў зробяць аблёт тэрыторыі і ацэняць з вышыні, што робіцца ў іх у раёнах і не толькі ў сельскай гаспадарцы.
Каментары