У Гомелі пачалі судзіць па пратэсных артыкулах бармена «Кватэрніка» Глеба Вятошкіна
Яго абвінавачваюць у распальванні іншай сацыяльнай варожасці (ч. 1 арт. 130 КК), а таксама па «народным артыкуле» 342 (ч. 1) — арганізацыя і падрыхтоўка дзеянняў, якія груба парушаюць грамадскі парадак альбо ўдзел у іх, паведамляе «Вясна».
Справу будзе разглядаць суддзя Аляксандр Піскуноў.
Пасля заканчэння аддзялення замежных моваў Гомельскага дзяржаўнага ўніверсітэта Глеб стаў працаваць барменам.
Пра затрыманне Вятошкіна супрацоўнікамі ГУБАЗіК праваабаронцы даведаліся з праўладных тэлеграм-каналаў 28 лістапада мінулага года.
Паведамлялася, што ён нібыта распаўсюджваў экстрэмісцкія матэрыялы, а ў жніўні 2020-га ўдзельнічаў у пратэстах, абражаў прадстаўнікоў улады і распальваў сацыяльную варожасць. Пасля затрымання ў дачыненні да Глеба быў складзены пратакол па ч. 2 арт. 19.11 КаАП («распаўсюджванне экстрэмісцкіх матэрыялаў»).
Учора, 3 мая, Глеб адзначыў свой дзень нараджэння.
Падтрымаць палітвязня: Гомель, вул. Кніжная, 1А, 246003, СІЗА №3, Вятошкін Глеб Сяргеевіч.
Цяпер чытаюць
Прапагандысты запэўніваюць, што 196 палітвязняў ужо на свабодзе5
Каментары