U Homieli pačali sudzić pa pratesnych artykułach barmiena «Kvaternika» Hleba Viatoškina
Jaho abvinavačvajuć u raspalvańni inšaj sacyjalnaj varožaści (č. 1 art. 130 KK), a taksama pa «narodnym artykule» 342 (č. 1) — arhanizacyja i padrychtoŭka dziejańniaŭ, jakija hruba parušajuć hramadski paradak albo ŭdzieł u ich, paviedamlaje «Viasna».
Spravu budzie razhladać sudździa Alaksandr Piskunoŭ.
Paśla zakančeńnia adździaleńnia zamiežnych movaŭ Homielskaha dziaržaŭnaha ŭniviersiteta Hleb staŭ pracavać barmienam.
Pra zatrymańnie Viatoškina supracoŭnikami HUBAZiK pravaabaroncy daviedalisia z praŭładnych telehram-kanałaŭ 28 listapada minułaha hoda.
Paviedamlałasia, što jon nibyta raspaŭsiudžvaŭ ekstremisckija materyjały, a ŭ žniŭni 2020-ha ŭdzielničaŭ u pratestach, abražaŭ pradstaŭnikoŭ ułady i raspalvaŭ sacyjalnuju varožaść. Paśla zatrymańnia ŭ dačynieńni da Hleba byŭ składzieny pratakoł pa č. 2 art. 19.11 KaAP («raspaŭsiudžvańnie ekstremisckich materyjałaŭ»).
Učora, 3 maja, Hleb adznačyŭ svoj dzień naradžeńnia.
Padtrymać palitviaźnia: Homiel, vuł. Knižnaja, 1A, 246003, SIZA №3, Viatoškin Hleb Siarhiejevič.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary