МЗС Ізраіля асудзіў прызначэнне Гігіна ў Нацыянальную бібліятэку
МЗС Ізраіля асудзіў прызначэнне Вадзіма Гігіна дырэктарам Нацыянальнай бібліятэкі Беларусі, як вынікае з паведамлення прэс-сакратара МЗС Ліёра Хаята. Прычына — антысеміцкія выказванні Гігіна.
«У святле яго антысеміцкіх заяў і адмаўлення Халакосту з розных нагод у мінулым у справаздачы аб ацэнцы антысемітызму міністэрства ў справах дыяспары за 2021 год Вадзім Гігін згадваецца як чалавек, які спрыяў выключэнню яўрэйскай памяці, якая ёсць неад'емнай часткай памяці пра Халакост», — гаворыцца ў паведамленні.
У ведамстве падкрэслілі, што «падстаў для прызначэння такой асобы на пасаду дырэктара Нацыянальнай бібліятэкі Беларусі няма».
Вядучыя ізраільскія СМІ факт прызначэння «антысеміта і адмаўляльніка Халакосту» Гігіна назвалі «вельмі дзіўным і незразумелым».
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары