Лукашэнка сказаў, колькі беларускіх шубаў прадалі за мяжу ў мінулым годзе. Лічба вас здзівіць
Аляксандр Лукашэнка на агульным сходзе прадстаўнікоў членаў Белкаапсаюза падзяліўся звесткамі, колькі шубаў беларускай вытворчасці прадалі за мяжу ў мінулым годзе, паведамляе БелТА. Аказалася, Беларусь экспартуе не гатовую футравую прадукцыю, а сыравіну, і колькасць прададзеных шубаў у 2023 годзе роўная кругламу нулю.
У параўнанні з нулём 2023-га ў 2022 годзе беларускіх шубаў экспартавана нашмат больш — «ажно» 23.
Пры гэтым з-за мяжы ў 2023 годзе купілі гатовых футравых вырабаў больш чым на 2 млн даляраў, а ў 2022-м — на 2,3 млн даляраў.
У той жа час летась Беларусь экспартавала амаль 520,5 тыс. штук пушна-футравай сыравіны на 13 млн даляраў, да ўзроўню 2022 года гэта 98,8 працэнта. Таксама ў 2023-м паставілі 121 тыс. штук дублёных і вырабленых футравых шкур на 2 млн даляраў, гэта 47% да паказчыкаў пазамінулага года.
Як і заўсёды ў падобных выпадках, Лукашэнка загадаў павялічваць продаж менавіта гатовых вырабаў, прытым, ён упэўнены, што гэта лёгка і проста: «Хіба так цяжка пашыць шубы, шапкі і што яшчэ трэба ў халоднае надвор'е?»
Па даных на студзень 2023 года, у Беларусі працавалі сем зверагаспадарак — вытворцаў скурак норкі. Шэсць з іх — у структуры Белкаапсаюза, адно — СВК.
Былы міністр культуры Руслан Чарнецкі знайшоў сабе падпрацоўку9
Каментары