Забойства Навальнага можа быць сігналам Захаду ад вельмі кансерватыўнага крыла Крамля — журналісты Bild
Адзін з аглядальнікаў лічыць, што смерць Навальнага пасылае Захаду сігнал аб тым, што Пуціну «няма замены» ў сістэме расійскай улады.
Намеснік галоўнага рэдактара Bild Паўль Ронцхаймер распавёў, што быў на Мюнхенскай канферэнцыі аб бяспецы, калі прыйшла навіна аб смерці Аляксея Навальнага. Па ягоных словах, прадстаўнікі спецслужбаў і інсайдары адразу казалі за зачыненымі дзвярыма, што давяраць заяве Федэральнай службы выканання пакаранняў нельга, «гэта ўсё расійская прапаганда». Журналіст нагадвае, што апошнія некалькі тыдняў хадзілі чуткі пра магчымы абмен Навальнага і Эвана Гершковіча на крамлёўскага агента Вадзіма Красікава.
Як мяркуе Ронцхаймер, магчыма, Пуцін лічыць, што зможа дабіцца вызвалення Красікава і без Навальнага.
Але таксама магчыма, што за смерцю Навальнага стаіць вельмі кансерватыўнае крыло Крамля, якое хоча «цалкам захаваць гэты радыкальны курс» і пазбегнуць любых перамоваў з Захадам, бо «гэтая смерць можа мець далёкасяжныя наступствы».
З гэтым згодны аглядальнік Bild Філіп Пятоў. Ён таксама лічыць, што смерць Навальнага пасылае Захаду сігнал аб тым, што Пуціну «няма замены» ў сістэме расійскай улады.
«Трэба проста памятаць, што значная частка расійскай эліты была здзіўленая і нападам на Украіну. Гэтую вайну таксама планавала толькі частка пуцінскай сістэмы, — заявіў Пятоў. — «Нават не спадзявайцеся, што ў нейкі момант з'явіцца нехта лепшы».
Гэта сігнал і для ўсіх летуценнікаў, якія хочуць весці перамовы з Расіяй для дасягнення доўгатэрміновага міру, якія спадзяюцца, што Расія можа аслабіць гайкі, — гэтага не будзе».
Пра раптоўную смерць Аляксея Навальнага ў калоніі «Палярны воўк» за Паўночным кругам стала вядома ў пятніцу днём. Галоўнаму расійскаму апазіцыйнаму дзеячу было 47 гадоў. Агулам Аляксей Навальны, затрыманы 17 студзеня 2021 года па вяртанні з Нямеччыны ў Маскву, быў асуджаны на 19 гадоў.
«Гадзіннік цікае». Байдэн усклаў адказнасць за смерць Навальнага на Пуціна і нагадаў пра Украіну
Святлана Ціханоўская сустрэлася з Юліяй Навальнай
«Ён памёр, не зломлены тыраніяй» — Барак Абама пра смерць Аляксея Навальнага
Уначы невядомыя ў цывільным разбурылі мемарыялы Аляксею Навальнаму ў Маскве і рэгіёнах
Юлія Навальная: Хачу, каб Пуцін, яго атачэнне ведалі, што яны панясуць за тое, што яны зрабілі з нашай краінай, маім мужам, адказнасць
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары
Сука - у 1999 годзе былі падарваныя дамы ў Маскве з жыхарамі, і ня толькі ў Маскве. Ужо тады было вядома, што тое зрабіла ФСБ кіруемае Пуціным. Вам ...ь якія яшчэ сігналы былі патрэбны?