Таксама збіраюцца перайменаваць гандлёвы цэнтр.
Віцэ-мэр Рыгі Эдвардс Ратніекс атрымаў пацверджанне ад арандатара і кіраўніка гандлёвага цэнтра «Мінск», прадпрыемства Apex Investments, што сёння пачнуцца работы па дэмантажы галоўнай шыльды гандлёвага цэнтра.
Ратніекс звярнуўся да аднаго з арандатараў «Мінска», кампаніі Apex Investments з заклікам памяняць галоўную шыльду гандлёвага цэнтра ў адпаведнасці з цяперашняй геапалітычнай сітуацыяй, умацаваць гарадское асяроддзе Рыгі ў нацыянальных каштоўнасцях, піша Delfi.lv.
Віцэ-мэр адзначыў, што заклікае і іншых юрыдычных асоб пайсці следам за Apex Investments і прыбраць астатнія шыльды з надпісамі «Мінск» і Minskas centrs з будынка, а таксама ўзяць удзел у змене назвы гандлёвага цэнтра.
Работы па дэмантажы могуць працягнуцца да 18 сакавіка.
Каментары