У Адэсе загінула 20-гадовая паліцэйская — хваля змыла яе ў мора падчас фотасесіі ВІДЭА
Дзяўчына фатаграфавалася на пірсе на памяць аб знаходжанні ў горадзе.
У Адэсе падчас адпачынку на вядомым пляжы «Аркадзія» загінула 20-гадовая паліцэйская з горада Роўна. Як паведамілі ў рэгіянальным упраўленні Нацыянальнай паліцыі, трагедыя адбылася ўчора ўвечары на адным з пляжаў. 20-гадовая дзяўчына знаходзілася па-за службай, гэта значыць адпачывала, піша УНІАН.
«Дзяўчына фатаграфавалася на пірсе на памяць пра знаходжанне ў Адэсе. Першая хваля збіла яе з ног, а другая — змыла ў мора… Цяпер праводзяцца пошукі цела дзяўчыны з прыцягненнем вадалазаў ДСНС», — распавялі ў паліцыі.
Відавочцы паведамляюць, што здарэнне адбылося на пляжы «Аркадзія». Гаворыцца, што дзяўчына ўчора прыехала з калегамі адпачыць у Адэсу і фатаграфавалася на так званых плітах — частцы ўзбярэжжа, пакрытай вялікімі каменнымі блокамі.
«У нейкі момант паліцэйскую збіла з ног хваля, яна ўпала, стукнулася галавой аб пліты і яе змыла ў мора», — паведаміў адзін з мясцовых ТГ-каналаў.
Вядуцца пошукі.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары
А Уніан "па-за службай"
Хто хоча, каб Акабчык высьветліў на службе фатаграфалася ля мора кабета-паліцэйская ці па-за службай? Адпішыцеся пад камэнтаром