Гарбуз — кароль восені. Яго добра спалучаць з крупамі ці кускусам. Для салатаў лепш выкарыстоўваць самыя смачныя сарты, такія як мускатны гарбуз ці хакайда. У іх шчыльная мякаць, і яны не развальваюцца пасля запякання.
Фота: Mark O'meara / taste.com.au
Спатрэбіцца:
- 100 г пярловых крупаў
- 250 г гарбуза
- 2 сталовыя лыжкі гарбузовага насення
- 80 г нуту, прыгатаванага або кансерваванага
- жменя рукалы
- 50 г мяккага казінага сыру ў рулеце
Для запраўкі:
- 2 сталовыя лыжкі аліўкавага алею (30 г)
- 2 сталовыя лыжкі цёмнага бальзамічнага воцату
- 1 чайная лыжка вадкага мёду
- соль і перац на смак
Як гатаваць:
- Пярлоўку зварыце згодна з інструкцыяй на пакаванні.
- Мякаць гарбуза наразаем кубікамі, выкладаем на бляху, засланую паперай для выпечкі. Злёгку апырскваем аліўкавым алеем. Выпякаем пры тэмпературы 200 градусаў 20-30 хвілін.
- Насенне абсмажваем на сухой патэльні. Дробна наразаем цыбулю. Дадаём гарбуз, цыбулю, нут, рукалу.
- Складнікі запраўкі змешваем у шклянцы, закручваем яе і трасём да ўтварэння соусу.
- Салат паліваем запраўкай, асцярожна перамешваем і перакладваем у талерку. Яго можна захоўваць у лядоўні ў шчыльна зачыненым кантэйнеры 2 дні, але рукалу трэба дадаваць свежую да кожнай новай порцыі.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары