«Беларускія ўлады чакаюць ад дэмакратычных сілаў не мякчэйшых крокаў, а капітуляцыі»
Аналітык Аляксандр Фрыдман у размове з «Радыё Свабода» выказаў меркаванне, чаго Лукашэнка хацеў бы ад дэмакратычных сіл.
«Беларускія ўлады чакаюць ад дэмакратычных сілаў не нейкіх мякчэйшых крокаў, яны чакаюць капітуляцыі. Каб апазіцыя проста спыніла сваё існаванне.
І Васкрасенскі гэта падкрэслівае [у сваім нядаўнім інтэрв'ю].
Яны ведаюць, што ў пытанні санкцый у беларускіх дэмакратычных сілаў толькі дарадчая функцыя. Яны могуць нешта прапанаваць, і калі гэта будзе цікава Варшаве, Вільні, Брусэлю — то гэта будзе абмяркоўвацца. Калі Еўрасаюз ці ЗША ўводзяць санкцыі, то грунтуюцца на ўласных інтарэсах.
І гэта не працуе так, што прыйдзе Ціханоўская і скажа ім: «Мы вырашылі спыніць сваю дзейнасць, вы больш не чапайце Лукашэнку, адмяніце свае санкцыі». Яны адкажуць ветліва: «Ну добра, мы падумаем», а прымаць рашэнні будуць зыходзячы са сваіх прынцыпаў і інтарэсаў.
Так што дыскусія наконт гэтага ў дэмакратычных сілах перабольшаная — у тым сэнсе, што ўплыў дэмакратычных сілаў на прыманне рашэнняў заходнімі краінамі вельмі абмежаваны».
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары