У 2009‑м у Беларусі зарэгістравана 4.120 смяротных зыходаў ад атручэнняў
Пра гэта паведаміў галоўны пазаштатны таксіколаг Міністэрства аховы здароўя Ігар Грыгор’еў 22 лютага ў Мінску на рэспубліканскай канферэнцыі па выніках працы анестэзіёлага‑рэанімацыйнай службы за мінулы год.
Паводле яго слоў,
больш за ўсё смерцяў было выклікана атручваннем этылавым і іншымі спіртамі.
Другое месца займаюць смяротныя выпадкі, выкліканыя атручваннем чадным газам.
Як адзначыў Грыгор’еў,
пік смяротнасці ад атручэнняў адзначаўся ў 2005 годзе.
Тады ад няякаснага алкаголю памерла ў 4,5 разу больш чалавек, чым у 1986—1987 гадах, калі ў СССР праводзілася антыалкагольная кампанія. У апошнія гады смяротнасць ад атручэнняў крыху зменшылася.
З‑за вялікай распаўсюджанасці атручванняў алкаголем аддзяленні таксікалогіі ў краіне часта выконваюць функцыю наркалагічнай таксікалогіі, сказаў Грыгор’еў. Бліжэй за ўсё да еўрапейскага ўзроўню Мінск, таксікалагічная служба якога адносна мала займаецца алкагольнымі атручваннямі. Амаль палова сталічных пацыентаў лечыцца пасля атручвання лекавымі сродкамі.
Каментары