U 2009‑m u Biełarusi zarehistravana 4.120 śmiarotnych zychodaŭ ad atručeńniaŭ
Pra heta paviedamiŭ hałoŭny pazaštatny taksikołah Ministerstva achovy zdaroŭja Ihar Hryhorjeŭ 22 lutaha ŭ Minsku na respublikanskaj kanfierencyi pa vynikach pracy aniestezijołaha‑reanimacyjnaj słužby za minuły hod.
Pavodle jaho słoŭ,
bolš za ŭsio śmierciaŭ było vyklikana atručvańniem etyłavym i inšymi śpirtami.
Druhoje miesca zajmajuć śmiarotnyja vypadki, vyklikanyja atručvańniem čadnym hazam.
Jak adznačyŭ Hryhorjeŭ,
pik śmiarotnaści ad atručeńniaŭ adznačaŭsia ŭ 2005 hodzie.
Tady ad niajakasnaha ałkaholu pamierła ŭ 4,5 razu bolš čałaviek, čym u 1986—1987 hadach, kali ŭ SSSR pravodziłasia antyałkaholnaja kampanija. U apošnija hady śmiarotnaść ad atručeńniaŭ krychu źmienšyłasia.
Z‑za vialikaj raspaŭsiudžanaści atručvańniaŭ ałkaholem adździaleńni taksikałohii ŭ krainie časta vykonvajuć funkcyju narkałahičnaj taksikałohii, skazaŭ Hryhorjeŭ. Bližej za ŭsio da jeŭrapiejskaha ŭzroŭniu Minsk, taksikałahičnaja słužba jakoha adnosna mała zajmajecca ałkaholnymi atručvańniami. Amal pałova staličnych pacyjentaŭ lečycca paśla atručvańnia lekavymi srodkami.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary