Акцыі пратэсту, рэакцыя прэзідэнта, звальненне чыноўнікаў, арэол народнага героя — усё, што заўгодна, апроч адказу на пытанне, дзе дзеўся Драсюс Кядзіс.
Акцыі пратэсту, рэакцыя прэзідэнта, звальненне чыноўнікаў, арэол народнага героя — усё, што заўгодна, апроч адказу на пытанне, дзе дзеўся Драсюс Кядзіс.
Водгук гучнай справы Драсюса Кядзіса, які ў кастрычніку забіў двух чалавек, помсцячы за гвалт у дачыненні да дачкі, не сціхае. У розных гарадах Літвы працягваюцца акцыі пратэсту супраць бяздзеяння і свавольства чыноўнікаў.
Шырокі рэзананс атрымаў мітынг, які адбыўся ля будынка ковенскай пракуратуры: шасцёра дзяцей зацягнулі гімн Літоўскай Рэспублікі з падкарэктаванымі словамі: «Літва, Радзіма наша, зямля педафілаў. Спрадвеку твае сыны дзяцей гвалтавалі».Пакуль паліцыя збірае сведчанні аб наўмысным здзеку з нацыянальнага гімну, грамадскасць неадназначна ацэньвае гэтую акцыю. «Бяздзеянне пракуратуры мяне здзіўляе, — кажа адвакат Гінтарас Чарняўскас. — Таму людзей, якія выказваюць недавер, не варта вінаваціць. Гэта адбітак негатыўных з’яваў у нашым грамадстве і дзяржаве. Аднак, і кпіць з дзяржаўных сімвалаў не трэба».
Між тым
прэзідэнт краіны Даля Грыбаўскайце пачала працэс адстаўкі чыноўнікаў, што зацягвалі расследаванне справы Кядзіса.Зняты з пасады генеральны пракурор Альгімантас Валацінас, які, нягледзячы на абяцанні, не прадставіў вынікаў разбіральніцтва.
Вольнымі застаюцца і фатэлі кіраўнікоў Генеральнай пракуратуры, Дэпартамента дзяржаўнай бяспекі Літвы і Міністэрства аховы здароўя.
Кядзіс звяртаўся да Грыбаўскайце з просьбай пакараць чыноўнікаў, якія нібыта гвалтавалі яго дачку, яшчэ да таго, як Літву скаланулі гучныя забойствы.
Цяпер «ковенская справа» пра педафілію перададзеная ў суд і знаходзіцца на стадыі разгляду. Асноўны падазроны ў гвалтоўных дзеяннях адносна малалетнай дачкі Кядзіса — палітык Андрус Усас.
Правы апекі над дзяўчынкай, якая пацярпела ад дзеянняў педафілаў, былі перададзеныя сястры Кядзіса Нярынзе Венцкене. Маці дзяўчынкі Лаймуце Станкунайце пазбаўленая права апякаць дачку
Імя Драсюса Кядзіса стала вядомае ўсёй Літве пасля таго, як 5 кастрычніка 2009 г. у Коўне былі забітыя суддзя Ёнас Фурманавічус і Віялета Нарусявічэне, сястра Лаймуце Станкунайце і цёця дзяўчынкі. Кядзіс, якога падазраюць у здзяйсненні падвойнага забойства, матываваў злачынства адсутнасцю рэакцыі на свае звароты ў пракуратуру, да вышэйшых чыноўнікаў. Яшчэ ўлетку ён публічна абвінаваціў Фурманавічуса, Андруса Усаса і невядомага Айдаса ў гвалце над дачкой. Паводле яго словаў, маці і цётка пастаўлялі дзяўчынку педафілам.
Іншая версія — што і чыноўнікаў, і самога Кедзіса забіла мафія.
Цяпер Кядзіс абвешчаны ў міжнародны вышук. Выказваліся нават версіі, што ён уцёк у Беларусь.
Тым часам, для многіх літоўцаў яго вобраз стаў вобразам народнага героя, самотнага змагара з чынавенскай карупцыяй і самавольствам дзяржаўных службоўцаў. З’явіліся нават коміксы, у якіх
Каментары