15-гадовая дзяўчына выратавала хлопчыка, які праваліўся пад лёд у Асіповічах
У Асіповічах 15-гадовая першакурсніца каледжа Карына Страшкевіч выратавала 10-гадовага хлопчыка, які праваліўся пад лёд. Школьнік вырашыў праверыць, ці моцны лёд на штучным вадаёме ў гарадскім парку, і за 2,5 метра ад берага праваліўся пад яго, паведамляе прэс-служба МНС.
Карына Страшкевіч. Скрыншот з відэа
Дзяўчына, якая знаходзілася побач, кінулася на дапамогу і выцягнула хлопчыка.
«Сёння ішлі з сябрамі, гулялі па парку. Бачым — упаў хлопчык пад лёд. Я проста вырашыла ўзяць усё ў свае рукі, не чакаць, пакуль хлопчык замерзне. і вырашыла яго выратаваць», — расказала Карына, адзначыўшы, што вадаём быў неглыбокі.
Скрыншот з відэа
У шпіталізацыі выратаваны хлопчык патрэбы не меў.
Каментары