Федэральны канцлер Германіі Фрыдрых Мерц заявіў, што паездка прэзідэнта Украіны Уладзіміра Зяленскага ў ЗША не прынесла тых вынікаў, на якія ён разлічваў. Паводле Мерца, гэта паказала, што Украіне асабліва патрэбная падтрымка з боку Еўропы, піша «Еўрапейская праўда».
Канцлер Германіі адзначыў, што пасля сустрэчы Зяленскага з Дональдам Трампам меў з прэзідэнтам Украіны працяглую размову і пацвердзіў, што візіт прайшоў складана.
«Візіт не прайшоў так, як спадзяваўся Зяленскі. Я думаю, што магу гэта тут сказаць», — заявіў Мерц.
Таму, на яго думку, еўрапейская дапамога — вайсковая, фінансавая і палітычная — цяпер мае вырашальнае значэнне, бо вайну можна спыніць толькі праз моц украінскай арміі.
Фрыдрых Мерц падкрэсліў, што капітуляцыя Украіны немагчымая, бо ў такім выпадку Расія напала б на наступную еўрапейскую краіну.
17 кастрычніка Зяленскі наведаў Белы дом па запрашэнні Трампа пасля дзвюх тэлефонных размоў. Ён прывёз з сабой карты, каб паказаць уразлівыя месцы расійскай вайсковай прамысловасці і прапанаваў абмяняць украінскія беспілотнікі на амерыканскія ракеты Tomahawk. Аднак, паводле СМІ, Трамп пакуль не гатовы пагадзіцца на такі абмен.
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец24
Каментары