Пуцін у размове з Трампам запатрабаваў поўнай здачы Данецкай вобласці ў абмен на перамір’е
Падчас тэлефоннай размовы з прэзідэнтам ЗША Дональдам Трампам прэзідэнт Расіі Уладзімір Пуцін ізноў выставіў ультыматум: Кіеў павінен цалкам адмовіцца ад кантролю над Данецкай вобласцю. Пра такую ўмову для спынення вайны паведаміла выданне The Washington Post са спасылкай на дзвюх высокапастаўленых крыніц.
Адначасова Пуцін у той жа размове выказаў гатоўнасць адмовіцца ад частак Запарожскай і Херсонскай абласцей.
Некаторыя прадстаўнікі Белага дома ўспрынялі гэты момант як пэўны «прагрэс» у пазіцыі Крамля, паведамляюць суразмоўцы выдання.
Украінцы наўрад ці будуць разглядаць гэта так, сказаў іншы чыноўнік, высокапастаўлены еўрапейскі дыпламат.
«Гэта як прадаваць ім іхнюю ж нагу ў абмен ні на што», — сказаў дыпламат.
Акрамя таго, паводле крыніц, спецпрадстаўнік Трампа Стыў Уіткоф падчас сустрэчы з украінскай дэлегацыяй у пятніцу ціснуў на прадстаўнікоў Кіева адносна перадачы Данецкай вобласці Расіі, спасылаючыся на тое, што рэгіён у асноўным з'яўляецца рускамоўным.
Сам Дональд Трамп патрабаванні Пуціна публічна не каментаваў. Па выніках сустрэчы з Уладзімірам Зяленскім ён заявіў толькі, што бакі павінны «спыніцца там, дзе яны ёсць».
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец21
Каментары
От полного захвата Херсонской и Запорожской области и прямого выхода на Днепр, частично спасает естественная преграда - Днепр, с высоким берегом с стороны ВСУ.
Трамп не вечен, в реалиях режимов путина и лукашенко, трамп, - временное явление и небольшая преграда до 2028 года, а потом опять прём напролом.