Pucin u razmovie z Trampam zapatrabavaŭ poŭnaj zdačy Danieckaj vobłaści ŭ abmien na pieramirje
Padčas telefonnaj razmovy z prezidentam ZŠA Donaldam Trampam prezident Rasii Uładzimir Pucin iznoŭ vystaviŭ ultymatum: Kijeŭ pavinien całkam admovicca ad kantrolu nad Danieckaj vobłaściu. Pra takuju ŭmovu dla spynieńnia vajny paviedamiła vydańnie The Washington Post sa spasyłkaj na dźviuch vysokapastaŭlenych krynic.
Adnačasova Pucin u toj ža razmovie vykazaŭ hatoŭnaść admovicca ad častak Zaparožskaj i Chiersonskaj abłaściej.
Niekatoryja pradstaŭniki Biełaha doma ŭspryniali hety momant jak peŭny «prahres» u pazicyi Kramla, paviedamlajuć surazmoŭcy vydańnia.
Ukraincy naŭrad ci buduć razhladać heta tak, skazaŭ inšy čynoŭnik, vysokapastaŭleny jeŭrapiejski dypłamat.
«Heta jak pradavać im ichniuju ž nahu ŭ abmien ni na što», — skazaŭ dypłamat.
Akramia taho, pavodle krynic, śpiecpradstaŭnik Trampa Styŭ Uitkof padčas sustrečy z ukrainskaj delehacyjaj u piatnicu cisnuŭ na pradstaŭnikoŭ Kijeva adnosna pieradačy Danieckaj vobłaści Rasii, spasyłajučysia na toje, što rehijon u asnoŭnym źjaŭlajecca ruskamoŭnym.
Sam Donald Tramp patrabavańni Pucina publična nie kamientavaŭ. Pa vynikach sustrečy z Uładzimiram Zialenskim jon zajaviŭ tolki, što baki pavinny «spynicca tam, dzie jany jość».
Kamientary
Ot połnoho zachvata Chiersonskoj i Zaporožskoj obłasti i priamoho vychoda na Dniepr, častično spasajet jestiestviennaja priehrada - Dniepr, s vysokim bieriehom s storony VSU.
Tramp nie viečien, v riealijach riežimov putina i łukašienko, tramp, - vriemiennoje javlenije i niebolšaja priehrada do 2028 hoda, a potom opiať priom naprołom.