Выдавецтва Gutenberg Publisher працягвае папаўняць серыю «Акно ў прозу», шостай кнігай у якой стала перавыданне дэбютнага зборніка Евы Вежнавец «Шлях дробнай сволачы» (2008). А 16 студзеня ў Варшаве пройдзе творчая сустрэча з аўтаркай, якая змагаецца з цяжкой хваробай, з нагоды выхаду перавыдання, піша bellit.info.
Першая кніга Евы Вежнавец «Шлях дробнай сволачы» (складаецца з апавяданняў і аповесці) да сёння, на жаль, знаходзілася ў літаратурным лімбе лічбавай эпохі: быццам бы існуе, але раскіданая па прыватных калекцыях, быццам бы смелая і рэзанансная, але абыдзеная рэцэнзіямі, быццам бы адна з найважнейшых кніжак пра тое, дзе, за што і з кім побач беларускі вымушаныя жыць, але ў ценю «Па што ідзеш воўча?».
А між тым, Вежнавец ломіць наш кантэкст на два. На жанчын і на мужчын. На краіну, якой апантаная, і на Быдларусь, якая забівае. На людзей ідэі і на людзей, па вуліцах імя якіх мы ходзім і будзем хадзіць. Сябе і нас усіх аўтарка бачыць у гэтым разломе, з якога мы караскаемся насустрач сонцу. Чаго хочаш? Не быць дробнай сволаччу! Але пакуль мы толькі караскаемся, блытаем сляды і губляемся ў арыенцірах. У гэтым і Шлях.
Набыць кнігу можна на сайце выдавецтва, там жа можна замовіць усе кнігі серыі (са зніжкай).
16 студзеня ў Варшаве на сустрэчы з Евай Вежнавец можна будзе задаць пытанні, падпісаць кнігі, паслухаць развагі аўтаркі. Мадэратарка сустрэчы — галоўная рэдактарка выдавецтва Gutenberg Publisher Валянціна Андрэева.
- 16 студзеня, 18:30-20:00
- Imaguru Startup HUB, Warszawa, ul. Twarda 14/16
- Уваход вольны
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну8
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары