У Беларусі істотна павялічаць колькасць станцый для зарадкі электракараў
Як паведамілі ў «Беларуснафце», ужо сёлета па ўсёй краіне з’явяцца больш за 300 новых зарадных аб’ектаў. Каля 200 з іх будуць ультрахуткімі і пачнуць працаваць у Брэсце, Віцебску, Магілёве, а таксама ўздоўж асноўных аўтатрас М1, М5 і М6.
Паводле наяўных планаў, да канца 2026 года сетка электразарадных станцый дзяржаўнага аператара «Беларуснафта» будзе налічваць не менш за 1300 пунктаў. Цяпер іх дзейнічае 975. Летась прадпрыемства «Беларуснафта-Прамсэрвіс» асвоіла выпуск айчынных зарадных станцый.
З улікам таго, што большасць электрамабіляў цяпер паступае ў Беларусь з Кітая, ужо наяўныя станцыі былі абсталяваныя раз’ёмамі кітайскага стандарту GB/T. Цяпер жа новыя аб’екты адразу камплектуюцца як еўрапейскімі канектарамі CCS, так і кітайскімі.
Усяго на сёння ў Беларусі працуе каля дзвюх тысяч грамадскіх электразарадных станцый.
Раней таксама стала вядома, што ўлады працягнулі дзеянне нулявой мытнай пошліны на электрамабілі, а квота на іх увоз складае 20 тысяч машын.
Кітайская кампанія BYD абагнала Tesla і стала найбуйнейшым у свеце прадаўцом электрамабіляў
Кітай хоча стаць тэхналагічным лідарам свету — але праблемы ў эканоміцы толькі растуць
Эксперты папярэджваюць пра небяспеку кітайскіх аўто
Амаль 20% сёлетняга аўтамабільнага імпарту склалі электрамабілі і гібрыды
«Поўны фарш, а цана як у пустой Tesla». Чым (не) задаволеныя ўладальнікі кітайскіх электрамабіляў
Каментары