Іран адмовіўся ад прапановы Пакістана наконт завяршэння вайны з ЗША і Ізраілем
«Тэгеран не будзе прымаць ніякіх тэрмінаў і ціску адносна заключэння пагаднення», — заявіў іранскі высокапастаўлены чыноўнік.
Іран адмовіўся ад прапановы Пакістана адносна завяршэння вайны з ЗША і Ізраілем, у рамках якой Тэгеран павінен быў разблакаваць Армузскі праліў для спынення баявых дзеянняў, піша Reuters.
Іранскі высокапастаўлены чыноўнік заявіў агенцтву, што Іран атрымаў мірную прапанову ад Пакістана і разглядае яе, аднак адмаўляецца адкрываць Армузскі праліў у абмен на часовае перамір’е.
Ён дадаў, што Тэгеран не будзе прымаць ніякіх тэрмінаў і ціску адносна заключэння пагаднення. У Іране таксама лічаць, што ЗША не гатовыя да пастаяннага спынення агню.
Так Тэгеран адрэагаваў на рамачны план па спыненні баявых дзеянняў і наступным заключэнні мірнага пагаднення ад Пакістана, які ўначы на панядзелак таксама перадаў яго Злучаным Штатам.
Ісламабад чакаў, што дэталі дамоўленасцяў будуць узгоднены сёння, 6 красавіка. План прадугледжвае неадкладнае спыненне агню і адкрыццё Армузскага праліва, а таксама наступнае заключэнне ўсебаковага пагаднення на працягу 15—20 дзён.
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі9
Каментары