У Германіі зноў пачынаюць аперацыю па ратаванні гарбатага кіта Цімі. Паўмесяца таму на яго ўжо махнулі рукой
У Балтыйскім моры каля берагоў Германіі пачаўся новы этап аперацыі па выратаванні гарбатага кіта, якога празвалі Цімі. Ён апынуўся на мелкаводдзі і не можа самастойна выбрацца. Яго былі ўжо вырашылі пакінуць у спакоі і не ратаваць, але цяпер ратавальная аперацыя мае аднавіцца і выйсці на новы ўзровень, піша The Guardian.
Раней улады ўжо былі гатовыя спыніць спробы і дазволіць кіту загінуць, але сітуацыю змяніла фінансавая падтрымка двух заможных людзей, якія аплацілі новую выратавальную аперацыю. Адзін з іх адзначыў, што нават невялікі шанец варты таго, каб паспрабаваць.
Каманда з шасці ратавальнікаў, у тым ліку ветэрынара, зайшла ў ваду, каб дапамагчы жывёліне. Паводле наяўнай інфармацыі, кіт падае прыкметы жыцця: рухаецца, дыхае, выдае гукі і нават падымае галаву, што дае надзею на яго выратаванне.
План заключаецца ў тым, каб спачатку размыць пясок ды глей і падвесці пад кіта спецыяльныя паветраныя падушкі. Потым яго хочуць падняць, размясціць на брызэнце паміж пантонамі і адбуксіраваць у глыбейшыя воды Паўночнага мора або Атлантычнага акіяна.
Аперацыя можа пачацца не раней за суботу, 18 красавіка. У межах гэтых работ да кіта ў пятніцу раніцай наблізіўся вадалаз, на што жывёла адрэагавала рэзкімі рухамі хваставога плаўніка, у выніку чаго яна павярнулася амаль на 90 градусаў. Таксама кіт выпусціў некалькі фантанаў вады. Гэта першы выпадак, калі Цімі зрушыўся з месца, зафіксаваны з 31 сакавіка.
Вадалаз і іншыя ўдзельнікі аперацыі адплылі ад кіта. Неўзабаве жывёла супакоілася і цяпер зноў ляжыць на мелі нерухома, паведамляе агенцтва DPA.
Аднак не ўсе падтрымліваюць гэтую аперацыю. Эколагі і спецыялісты лічаць, што шанцы на выжыванне кіта вельмі малыя, а сама спроба можа яшчэ больш нашкодзіць аслабленай жывёле. Таксама гучаць меркаванні, што сітуацыя часткова выкарыстоўваецца ў палітычных мэтах напярэдадні выбараў у рэгіёне.
Гэта ўжо не першыя спробы дапамагчы жывёліне. Кіта знайшлі на водмелі яшчэ ў канцы сакавіка. Тады яму дапамаглі выбрацца, але ён зноў вярнуўся да берага і некалькі разоў трапляў у тую ж пастку.
Да балтыйскага ўзбярэжжа Германіі прыплыў гарбаты кіт і сеў на мель. Яго тыдзень спрабавалі ўратаваць, але не змаглі
На трасе ў Лепельскім раёне будуюць тунэль для ласёў. Трэба толькі пераканаць жывёл ім карыстацца
У Паўднёвай Карэі знайшлі ваўка, які збег з заапарка. За яго пошукамі сачыла ўся краіна
«Бомба запаволенага дзеяння». Чаму ў Калумбіі хочуць забіць «какаінавых бегемотаў» Пабла Эскабара
На Вялікай ціхаакіянскай смеццевай пляме знайшлі дзясяткі відаў жывых істот
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?26
Каментары
Наймярзейшыя людзі гэтыя эколагі. Як можна нашкодзіць жывёле, якая памірае?