Кіраўнік студыі ZROBIM architects вярнуўся ў сацсеткі пасля затрымання
Кіраўнік вядомай архітэктурнай студыі ZROBIM architects Андрусь Bezdar (Андрэй Макоўскі), які быў затрыманы 9 красавіка, імаверна, выйшаў на волю. Бізнэсовец вярнуўся ў публічную прастору праз 16 сутак пасля хапуна ў студыі.
Першым пасля перапынку стаў пост у сацсетках, прысвечаны новаму праекту студыі «Сэрца Волгі». У кароткім допісе Макоўскі разважае пра баланс традыцый і сучаснай архітэктуры.
На клапатлівыя заўвагі чытачоў («за вас усе перажывалі), а таксама з’едлівыя каментары, што «зараз праекты будуць называцца «сэрца Волгі», «родны Амур», «матушка Расія», кіраўнік славутай студыі нічога не адказаў.
У офіс ZROBIM architects сілавікі прыходзілі 9 і 10 красавіка. Каля 50 супрацоўнікаў бюро былі затрыманыя, большасць пасля адпусцілі.
Фірму абвінавацілі ў тым, што з 2021 па 2025 год яна атрымала няўлічанага прыбытку на 6 мільёнаў даляраў. Сукупную шкоду бюджэту краіны ацанілі ў больш чым 5 мільёнаў рублёў. У сюжэце СТБ заявілі, што «не менш за 60% ад усіх заробкаў» супрацоўнікам бюро выплачвалі «ў канвертах».
Сузаснавальнік студыі Андрэй Макоўскі (Андрусь Bezdar) цяпер пад следствам.
Другі сузаснавальнік, Аляксей Караблёў, жыве ў ЗША. Кампанія працягвае працаваць.
-
Новае трамвайнае кальцо ў Мінску. Вось як яно выглядае
-
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
-
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2
Каментары
Ну, і зразумела, што ўсё таварышы ў пагонах патлумачылі ў дэталях: і на якія рахунак грошы плаціць, і колькі, і каго браць на пазіцыю ідэолага ў кампанію.
Калі чалавечая годнасць ёсць, то чакаем у хуткім часе за мяжой. Калі няма - застанецца і прыстасуецца.