Беларускаму байцу ММА, які будаваў кар’еру ў Маскве, ФСБ нечакана забараніла ўезд у Расію пасля адпачынку ў Тайландзе
Віталь Паўлоўскі не разумее, як так выйшла, што яму бестэрмінова забаранілі ўязджаць у Расію. І просіць парады, як вярнуцца ў Маскву — бо там ужо ўсё яго жыццё.
Пяць гадоў таму Віталь Паўлоўскі — баец з Полацка — паехаў скараць Маскву. У адным з інтэрв’ю распавядаў, што тады апошнія грошы патраціў, каб паўдзельнічаць у баях лігі «Наша справа» — нават на арэнду жылля ў расійскай сталіцы ўжо не хапала.
Спачатку хлопец выступаў у ММА, але папулярным стаў у поп-ММА (забаўляльная версія баявых адзінаборстваў). Цяпер ён упэўнена кажа, што шмат чаго дасягнуў.
Але нешта пайшло не так. Нядаўна Віталь распавёў у сацыяльных сетках, што не змог вернуцца ў Маскву пасля адпачынку.
Летась баец на паўгода паляцеў зімаваць у Тайланд. Сюрпрызы пачаліся ў маскоўскім аэрапорце па вяртанні:
— Я вельмі доўга праходзіў пашпартны кантроль. Мне сказалі, патрэбна дадатковая праверка. І прыкладна праз гадзіну чакання мне выносяць паперку з пастановай ад ФСБ, што мне забаронены ўезд у Расійскую Федэрацыю бестэрмінова. Без тлумачэння прычыны. Я не ведаю, што я зрабіў. Нічога не сказалі, не растлумачылі.
Віталь сцвярджае, што пасля гэтага яго яшчэ каля сутак трымалі ў аэрапорце. А потым прапанавалі два варыянты: або вярнуцца ў Тайланд, або ляцець на радзіму. Баец выбраў другое і сам набыў квіток.
— Я сказаў, што палячу ў Мінск. Мяне нікуды не пускалі, усюды суправаджалі. Забралі пашпарт. Задавалі шмат пытанняў. Па прылёце ў Мінск мяне сустрэлі памежнікі з аўтаматамі. Пашпарт мне не аддавалі.
Але пасля невялікай праверкі Віталя ўсё ж адпусцілі.
— Я не ведаю, што я зрабіў такога ў Расіі, што мне забаранілі ўезд бестэрмінова. Я падаў афіцыйную заяву, але адказу няма ўжо больш за месяц.
Цяпер ён звяртаецца па дапамогу і просіць парад.
— Я пацан з Беларусі, які прыляцеў у Маскву і шмат чаго дасягнуў. У мяне пабудавана там усё жыццё…
Віталь прызнаецца ў любові да Масквы і кажа, што вельмі хоча туды вярнуцца, бо менавіта там бачыць сваю будучыню. Дадае, што пасля публікацыі гісторыі ў сацсетках яму напісала шмат людзей, якія трапілі ў аналагічную сітуацыю.
Беларус з забаронай на ўезд змяніў прозвішча і два гады ездзіў у Польшчу
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс
Палітычнаму расійскаму блогеру, які хваліць Лукашэнку, забаранілі ўезд у Беларусь
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны37
Каментары
Во дзе доў…. Скажы дзякуй што не атрымаў пашпарт рф, так бы ўжо пайшоў штурмаваць пасадку як гарматнае мяса.