Не задаволілі новыя ўмовы кантракту.
Штотыднёвая тэлевізійная праграма «Суперлато», вобразна кажучы, абнулілася. Яе вядучы актор Артур Шуляк вырашыў разарваць свае адносіны з арганізатарамі латарэі.
Прычынай гэтага рашэння паслужыў новы кантракт, які прапанавалі падпісаць актору, што праславіўся ў сапраўды легендарнай пастаноўцы п’есы «Камедыя».
— Мяне не задаволілі новыя ўмовы кантракту, — растлумачыў Артур. — Мне прапанавалі ўзяць у пару яшчэ аднаго вядоўцу, што мяне зусім не задаволіла. Але я ад гэтага адмовіўся. Мне не цікава быць залежным ад кагосьці. Не люблю быць залежным. Над праграмай працавалі выдатныя людзі, прафесійная каманда, але калі ўжо паўстала жаданне нешта мяняць, няхай мяняюць адразу. І, шчыра кажучы, я ўжо стаміўся. Напэўна, адной з асноўных прычын пакінуць праграму была якраз стомленасць. Акрамя таго, я папрасіў дадатак да ганарару. Але мне адмовілі.
Артур Шуляк адпрацаваў у якасці вядоўцы праграмы «Суперлато» роўна шэсць гадоў.
— Як прафесіянал я адчуваю сябе ўтульна ўсюды — і ў тэатры, і на тэлебачанні. Але калі шчыра, то для маёй акторскай кар’еры гэтая праца была, напэўна, тормазам. Хоць бы таму, што «Суперлато» прыляпіла да мяне пэўнае клішэ. Але цяпер я яго адклеіў, можна развівацца далей.
Цалкам магчыма, што на змену Артуру Шуляку ў якасці вядоўцы праграмы прыйдзе Уладзімір Драздоў, які працаваў у якасці выпускаючага эфірнага рэжысёра. Даўнія сябры, яны і вонкава шмат у чым падобныя.
Што да Артура, то ён сказаў:
— Я адкрыты для новых прапановаў. Працы ў мяне вельмі шмат. Але цяпер я адназначна паеду адпачываць. Столькі гадоў адпрацаваць без выходных — гэта вельмі няпроста. Калі да мяне паступяць нейкія прапановы адносна працы на тэлебачанні, я буду іх разглядаць.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары