Nie zadavolili novyja ŭmovy kantraktu.
Štotydniovaja televizijnaja prahrama «Supierłato», vobrazna kažučy, abnuliłasia. Jaje viadučy aktor Artur Šulak vyrašyŭ razarvać svaje adnosiny z arhanizatarami łatarei.
Pryčynaj hetaha rašeńnia pasłužyŭ novy kantrakt, jaki prapanavali padpisać aktoru, što prasłaviŭsia ŭ sapraŭdy lehiendarnaj pastanoŭcy pjesy «Kamiedyja».
— Mianie nie zadavolili novyja ŭmovy kantraktu, — rastłumačyŭ Artur. — Mnie prapanavali ŭziać u paru jašče adnaho viadoŭcu, što mianie zusim nie zadavoliła. Ale ja ad hetaha admoviŭsia. Mnie nie cikava być zaležnym ad kahości. Nie lublu być zaležnym. Nad prahramaj pracavali vydatnyja ludzi, prafiesijnaja kamanda, ale kali ŭžo paŭstała žadańnie niešta mianiać, niachaj mianiajuć adrazu. I, ščyra kažučy, ja ŭžo stamiŭsia. Napeŭna, adnoj z asnoŭnych pryčyn pakinuć prahramu była jakraz stomlenaść. Akramia taho, ja paprasiŭ dadatak da hanararu. Ale mnie admovili.
Artur Šulak adpracavaŭ u jakaści viadoŭcy prahramy «Supierłato» roŭna šeść hadoŭ.
— Jak prafiesijanał ja adčuvaju siabie ŭtulna ŭsiudy — i ŭ teatry, i na telebačańni. Ale kali ščyra, to dla majoj aktorskaj karjery hetaja praca była, napeŭna, tormazam. Choć by tamu, što «Supierłato» prylapiła da mianie peŭnaje kliše. Ale ciapier ja jaho adkleiŭ, možna raźvivacca dalej.
Całkam mahčyma, što na źmienu Arturu Šulaku ŭ jakaści viadoŭcy prahramy pryjdzie Uładzimir Drazdoŭ, jaki pracavaŭ u jakaści vypuskajučaha efirnaha režysiora. Daŭnija siabry, jany i vonkava šmat u čym padobnyja.
Što da Artura, to jon skazaŭ:
— Ja adkryty dla novych prapanovaŭ. Pracy ŭ mianie vielmi šmat. Ale ciapier ja adnaznačna pajedu adpačyvać. Stolki hadoŭ adpracavać biez vychodnych — heta vielmi niaprosta. Kali da mianie pastupiać niejkija prapanovy adnosna pracy na telebačańni, ja budu ich razhladać.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary