Жудасная лічба: У Беларусі курыць амаль чвэрць падлеткаў
Згодна з вынікам сацыялагічнага апытання ў Беларусі курыць каля 24% падлеткаў, паведаміла галоўны педыятр Міністэрства аховы здароўя Алена Нявера 30 мая на прэс-канферэнцыі ў Мінску.
"Гэта жудасная лічба. Паводле звестак Сусветнай арганізацыі аховы здароўя, Беларусь і Расія лідзіруюць па паказчыку курэння ў еўрапейскім рэгіёне", — сказала яна.
Паводле слоў Няверы, пакуль у краіне надаецца недастаткова ўвагі праблеме падлеткавага курэння. Тлумачэнні па праблеме можна атрымаць у асноўным у валанцёраў і ў цэнтрах, дружалюбных падлеткам, якія ствараюцца пры паліклініках.
Нявера лічыць, што ў пытанні процідзеяння курэнню Беларусі трэба арыентавацца на Швецыю, дзе дзякуючы шырокай інфармацыйнай кампаніі і іншым дзейсным мерам распаўсюджанасць курэння ўдалося знізіць з 20% да 8%. Для параўнання, паводле звестак Міністэрства аховы здароўя, сёння ў Беларусі курыць 30,6% насельніцтва.
Як паведаміла начальнік упраўлення выхаваўчай і ідэалагічнай работы Нацыянальнага інстытута адукацыі Міністэрства адукацыі Наталля Катовіч, з 28 па 31 мая праходзіць рэспубліканская акцыя "Дыхай свабодна!", прымеркаваная да Сусветнага дня без тытуню. Акцыя заклікана папулярызаваць здаровы лад жыцця і яшчэ раз нагадаць насельніцтву пра шкоду курэння.
-
27‑гадовая беларуска без дзяцей ідзе на стэрылізацыю — і вось чаму ёй можна
-
У Мінску медыкі зрабілі ўнікальную аперацыю: пацыенту перасадзілі яго ўласную костку разам з сасудамі
-
«У нас мізэрная колькасць тых, хто бярэ свабодныя дыпломы». Чыноўніца Мінздароўя пракаментавала адмену платнага навучання ў медыцынскіх ВНУ
Цяпер чытаюць
Прапагандысты запэўніваюць, што 196 палітвязняў ужо на свабодзе9
Каментары