Пратэсты ў Сірыі перараслі ў паўстанне. Жыхары аднаго з гарадкоў выразалі ўвесь штат спецслужбаў
Больш за 120 афіцэраў сірыйскай бяспекі былі забітыя ў панядзелак у горадзе Джызр аль-Шугур.
Больш за 120 афіцэраў сірыйскай бяспекі былі забітыя ў панядзелак у горадзе Джызр аль-Шугур.
Раней паведамлялася аб 40 забітых.
Як адзначаюць сусветныя інфармацыйныя агенцтвы, гэтае супрацьстаянне можна лічыць паваротным момантам у 11-тыднёвых сутычках маніфестантаў і ўрадавых войскаў. Пратэсты пераходзяць у форму адкрытага паўстання.
Згодна з паведамленнем дзяржаўнага тэлебачання, у горадзе адбылася «сапраўдная бойня», некаторым забітым адрэзалі галовы, іншых кінулі ў раку Аронт.
Большую частку супрацоўнікаў сілаў правапарадку забілі пры штурме штаб-кватэры гарадскога ўпраўлення службы бяспекі.
Сірыйскі ўрад абяцае «жорстка» адказаць на такія пратэсты: «Мы будзем дзейнічаць жорстка, і рашуча, і ў адпаведнасці з законам. Мы не станем ігнараваць якіясьці ўзброеныя выступленні, накіраваныя супраць сіл правапарадку і мірных грамадзян », -- заявіў міністр унутраных справаў Сірыі Ібрагім Шаар.
Сям'я Асадаў кіруе Сірыяй ужо 40 гадоў.Спачатку на чале краіны стаяў Хафэз Асад, пасля ягонай смерці яго змяніў сын, Башар. У мінулым яны не раз расстрэльвалі вулічныя пратэсты. На гэты раз, аднак, сітуацыя выйшла з-пад кантролю. Нягледзячы на ўжыццё сілы спецслужбамі, выступы працягваюцца ў розных частках краіны. Іх падтрымалі як мусульманская апазіцыя, так і свецкія лібералы, і сірыйская эміграцыя.
Сітуацыя ўскладняецца тым, што Асады належаць да рэлігійнай меншасці ў краіне -- алавітаў, тады як большасць насельніцтва складаюць суніты. У выніку Асады ўкамплектавалі алавітамі спецслужбы, на якія і абапіраліся.
Сваю нянавісць да рэжыму суніты, друзы і курды пераносяць на алавітаў, што можа прывесці да крывавай бойні.
Таму, калі праваабаронцы і інтэлектуалы Захаду салідарызаваліся з сірыйскай апазіцыяй, заходняя дыпламатыя рэагуе на падзеі ў Сірыі стрымана. Праз закрытасць краіны свет дагэтуль дакладна не ведае, што за сілы стаяць на чале выступаў.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай2
Каментары