Будаўніцтва развязкі на скрыжаванні Ташкенцкай і МКАД адклалі да 2014 года
Развязка такога кшталту каштуе бюджэту каля 300 мільярдаў рублёў.
Да будаўніцтва двухузроўневай развязкі на скрыжаванні вуліцы Ташкенцкай і Мінскай кальцавой аўтадарогі (МКАД) плануецца прыступіць пасля 2014 года.
Дырэктар УП «Мінскграда» Леанід Добыш адзначыў, што падобныя аб’екты складаныя ў выкананні і дарагія.
Кожны з іх абыходзіцца бюджэту прыкладна ў 300 мільярдаў рублёў.З намечаных да будаўніцтва да 2020 года 22 шматузроўневых развязак да 2014 года з’явяцца 5. Тры з іх ужо ўзведзеныя — на вуліцы Кальварыйскай, на скрыжаванні вуліц Маякоўскага і Дзянісаўскай, а таксама праспектаў Дзяржынскага і Жукава. Яшчэ два пуцеправоды на скрыжаванні праспекта Дзяржынскага з вуліцай Алібегава, вуліц Ціміразева і Арлоўскай знаходзяцца ў працэсе будаўніцтва.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары