Pajšoŭ z žyćcia siabar KCHP‑BNF spadar Hienadź Bankievič, sumlenny i pracavity čałaviek, patryjot Biełarusi.
Jon byŭ školnym siabram majho baćki, tamu ja viedaŭ jaho ź dziacinstva, i dla mianie jon byŭ i zastaniecca prosta dziadźkam Hienam. Pavajennaje žyćcio ŭ Zachodniaj Biełarusi nie było až takim sałodkim, moža tamu abraŭ dziadźka Hienadź karjeru aficiera prestyžnych na toj čas rakietnych vojskaŭ. Vajskovy los kidaŭ jaho pa śviecie, ale ŭrešcie jon viarnuŭsia na Baćkaŭščynu.
Za što b ni braŭsia dziadźka Hienadź, to rabiŭ heta hruntoŭna i jakasna, pa‑haspadarsku. Pa‑inšamu paprostu nia ŭmieŭ. Byŭ dla mianie prykładam adkaznaści i damavitaści, sapraŭdnym haspadarom staroje biełaruskaje zakvaski, jakich zastajecca siarod nas mieniej i mieniej.
Dumaju, što mienavita hetyja rysy charaktaru, pryviali sp.Bankieviča ŭ šerahi Narodnaha Frontu. Adkaznaść za los krainy i žadańnie ŭładkavać Biełaruski dom naležnym čynam byli toj vysokaj matyvacyjaj, jakija nadavali mocy hetamu pryhožamu, niemaładomu ŭžo čałavieku. Da svajoj hramadzkaj dziejnaści jon staviŭsia jak da paklikańnia, samaachviarna i biez kampramisaŭ.
Hodna pražyŭ žyćcio spadar Bankievič. Sapraŭdny spadar.
Śvietłaja pamiać.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary