Maskva abvastraje hulniu
Rasiejskija medyi paviedamlajuć: ź piatnicy Biełarusi mohuć "pierakryć haz". Piša ŭ svaim błohu Alaksandar Kłaskoŭski.
Rasiejskija medyi paviedamlajuć: ź piatnicy Biełarusi mohuć napałovu pierapynić padaču hazu. "Hazprom" nakiravaŭ u Miensk list z paviedamleńniem, što maje namier prykrucić ventyl praparcyjna faktyčnaj apłacie — na 45%.
Krasamoŭny voś hety pasaž: "TAA "Hazprom ekspart" paviedamiła pra svajo rašeńnie datyčna Biełarusi i zamiežnym spažyŭcam hazu… "Hazprom" zrobić usie mahčymyja zachady dziela transpartavańnia rasiejskaha hazu cieraz terytoryju Biełarusi całkam zhodna z najaŭnymi abaviazkami pierad eŭrapiejskimi pakupnikami".
Heta adkrytaja pieraściaroha ad paŭtoru hazavaj vajny. Maŭlaŭ, kryj boža vykidać niejkija koniki nakštałt "niesankcyjanavanaha adboru"!
Učora ja napisaŭ post pad zahałoŭkam "Maskva čakaje, kab "klijent saśpieŭ". U pryvatnaści, zaznačałasia: sapraŭdnaha ŭdaru Kreml jašče nie nanosiŭ. Jak bačym, za sutki zahałovak sastareŭ. Maskva ŭžo nia choča čakać i abvastraje hulniu. Niebiaśpiečnuju hulniu.
Zaraz vidavočna, što zaŭčorašni vizyt biełaruskaha premjera ŭ Maskvu byŭ nia prosta biespaśpiachovym, a pravalnym. Heta nazyvajecca: pajšoŭ pa šerść...
Uvohule ž my majem miesca z zakanamiernym abstynentnym syndromam paśla burlivaha zastolla "bratniaj intehracyi". Patrabavać "praciahu bankietu" ŭžo nie vypadaje. Dyj viaskovyja chitryki (padajcie na biednaść pry kalasalnym biudžetnym praficycie!) ŭ biełakamiennaj, jak bačym, nie prachodziać.
Da bolej hruntoŭnaha kamentavańnia novaj kalizii jašče dojdzie. A pakul što paŭtaru vysnovu, jakuju zrabiŭ niekalki tydniaŭ tamu: "Hazijopa nastupaje!".
ZY. Preventyŭnaja remarka dla amataraŭ zakidać niepatryjatyčnyja nastroi: kaniešnie, pa vialikim rachunku "klijenty" — usie my:( Ad nastupu Hazijopy mała nikomu nie padasca. Chacia na siońnia my bačym najpierš šantaž. I jaščarka budzie adkidać chvost.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary