Partyja BNF adnaviła abłasnuju strukturu.
4 žniŭnia na Mienskaj abłasnoj kanfierencyi Partyi BNF prysutničali pradstaŭniki z tych haradoŭ vobłaści, dzie najbolš aktyŭna funkcyjanuje partyja, – z Barysava, Słucka, Maładziečna, Vilejki, Salihorska, Marjinaj Horki, Smalavičaŭ, Žodzina, Miadziela, Łahojska.
Pierad prysutnymi vystupili lider Partyi BNF Vincuk Viačorka i jaho namieśniki Viktar Ivaškievič i Alaksiej Janukievič, jakija raspaviali pra situacyju ŭ krainie, aktualnuju dziejnaść partyi i pra partyjnaje budaŭnictva.
Była abranaja abłasnaja rada ŭ składzie 12 čałaviek. Staršynioj minskaj abłasnoj struktury staŭ Źmicier Vinahradaŭ ź Miadziela, a jaho namieśnikami – Siaržuk Sałaš z Barysava i Źmicier Ševiel z Łahojska, paviedamlaje Radyjo Racyja pa spasyłkaj na pres-hrupu Partyi BNF.
«Pieršaje, što ja źbirajusia zrabić, - heta abjechać usie našy rajony. Treba vyznačyć realny patencyjał Partyi BNF u Minskaj vobłaści dla taho, kab pačynać padrychtoŭku da Jeŭrapiejskaha marša i vybaraŭ 2008 hoda», - zajaviŭ paśla abrańnia Źmicier Vinahradaŭ.
«My adnavili frontaŭskuju strukturu Minskaj vobłaści. Niekalki hadoŭ jana nie pracavała [Kamieńčyk u harod Alesia Michaleviča? – NN]. Ja zadavoleny kadravymi rašeńniami, jakija pryniatyja, tamu što i staršynia, i namieśniki staršyni, i sakratar pradstaŭlajuć dziejazdolnyja frontaŭskija arhanizacyi. Bližejšaj praktyčnaj zadačaj budzie padrychtoŭka da Jeŭrapiejskaha marša i da kampanii 2008 hoda, da taho samaha vybarčaha farsu, jaki my chočam pieratvaryć u realnyja vybary», - skazaŭ lider Partyi BNF Vincuk Viačorka.
Nahadajem, što pry kancy hodu majuć prajści vybary novaha staršyni Partyi BNF, dzie kankurencyju V. Viačorku, pavodle čutak, pavinny skłaści jahony namieśnik Aleś Michalevič.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary