Tadžykistan patrabuje ad Rasii inviestycyj u HES u abmien na znachodžańnie vajskovaj bazy
Rasija zapatrabavała ad Tadžykistana ŭ samyja karotkija terminy ratyfikavać pahadnieńnie ab znachodžańni na jaho terytoryi 201-j rasijskaj vajskovaj bazy.
Dźvie klučavyja ŭmovy, vystaŭlenyja Dušanbe, Maskva ŭžo vykanała: dała lhotny režym tadžykskim mihrantam i admianiła ekspartnyja pošliny na pastaŭki naftapraduktaŭ u Tadžykistan. Adnak ciapier Dušanbe patrabuje ad Maskvy jašče i harantavanych inviestycyj u tadžykskuju hidraenierhietyku i dadatkovych hrošaj na madernizacyju svajho vojska.
«Maskva na hetyja novyja ŭmovy nie pahadziłasia, — zajaviła krynica ŭ mižuradavaj kamisii. — My hatovyja prapracoŭvać tadžykskija pažadańni, ale na heta spatrebicca čas. Na ŭviazku ž hetych patrabavańniaŭ z arendaj našaj bazy my dakładna nie pojdziem».
U Maskvie raźličvajuć, što Dušanbe nie stanie dalej zaciahvać z ratyfikacyjaj pahadnieńnia pa bazie. Niahledziačy na toje, što Rasija padpisała dakumienty pa mihrantach i naftapraduktach, u siłu jany pakul nie ŭstupili, bo prachodziać apošnija biurakratyčnyja pracedury. Pry žadańni praces hety moža praciahvacca doŭha, a heta Tadžykistanu vidavočna niavyhadna», — adznačaje «Kamiersant».
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak3
Kamientary