Brytanski dramaturh Tom Stopard zajaviŭ, što napisaŭ radyjopjesu pa matyvach kanceptualnaha alboma Pink Floyd «The Dark Side of the Moon»,paviedamlaje The Daily Telegraph.
Stopard pierapracavaŭ 40-chvilinny albom u hadzinnuju pjesu, u jakoj muzyka Pink Floyd budzie čarhavacca z dyjałohami, napisanymi dramaturham. Sa słoŭ aŭtara, siužet pjesy raskaža pra stasunki maładoj pary, na prykładzie jakoj dramaturh pakaža isnavańnie «sučasnych duš».
Devid Hiłmar, udzielnik Pink Floyd i suaŭtar "The Dark Side of the Moon», užo vyvučyŭ scenar pjesy i nazvaŭ jaho «vydatnym».
Vychad pjesy prymierkavany da 40-hadovaha jubileju «The Dark Side of the Moon". Jaje premjera adbudziecca 26 žniŭnia ŭ efiry radyjostancyi BBC Radio 2.
***
Tom Stopard - brytanski dramaturh češskaha pachodžańnia, aŭtar šmatlikich teatralnych, televizijnych i kiniematahrafičnych pastanovak. Siarod samych viadomych jaho kinaprac - scenary da filmaŭ «Brazilija» Tery Hiliama i «Zakachany Šekśpir» Džona Medzii, za jaki jon atrymaŭ «Oskar». U liku apošnich rabot Stoparda - scenar ekranizacyi «Hanny Kareninaj» 2012 hoda, a taksama sieryjał «Kaniec paradu» ź Bieniedyktam Kambierbetčiem u hałoŭnaj roli.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary