Pjany adnaruki biaspraŭnik źnios dreva i ŭrezaŭsia ŭ słup: paciarpieła pasažyrka
Avaryja zdaryłasia ŭ Minsku ŭ noč na 28 krasavika.
Jak paviedamili AUTO.TUT.BY vidavočcy, DTZ adbyłasia kala 1.30 na staličnaj vulicy Kalvaryjskaj. Subaru Forester jechaŭ z boku stancyi mietro «Puškinskaja» ŭ napramku «Maładziožnaj», jaho pieraśledavaŭ ekipaž DPS.
Pavodle papiaredniaj infarmacyi, kiroŭca nie spraviŭsia z kiravańniem, vyjechaŭ za miežy prajeznaj častki i ŭrezaŭsia ŭ dreva. Kiroŭca, kažuć vidavočcy, — małady invalid biez pravaj ruki, bybyŭ mocna pjany.Jon i adzin z pasažyraŭ u avaryi praktyčna nie paciarpieli, dziaŭčynu na piarednim siadzieńni — u jaje bok pryjšoŭsia ŭdar — z sałona debłakavali ratavalniki. U nieprytomym stanie jana była špitalizavana.
«Try čałavieki byli ŭ mašynie. Pahonia była ... DAI dahaniała (na maich vačach ... i DTZ adbyłasia taksama). Mašyna źbiła dreva. Było 5 mašyn DAI, adna «chutkaja» i MNS. Kiroŭca biez pravaj ruki (byŭ z samaha pačatku) i pjany. Druhi pasažyr pjany i taksama ŭvohule ceły.Dziaŭčyna siadzieła sprava ad kiroŭcy ... Pry ŭdary ab dreva jaje dźviery zabłakavała. Ratavalniki MNS vyrazali. Kali pieranosili ŭ «chutkuju», była biez prytomnaści i ŭsia ŭ kryvi. Było prykładna 1.30 nočy nasuprać mohiłak. Prybiehła maci kiroŭcy, płakała, kazała DAI, što jon klučy ŭ jaje skraŭ, piŭ ź siabrami la padjezda, a potym jany pajechali katacca», — raspavioŭ AUTO.TUT.BY vidavočca Maksim.
— 28 krasavika kala 1.30 20-hadovy kiroŭca Subaru Forester (aŭtamabil z AKPP), znachodziačysia ŭ stanie ałkaholnaha apjanieńnia (pa vynikach ahladu — 2,4 pramile), ruchaŭsia pa vulicy Prytyckaha z boku Bieruta ŭ kirunku Alšeŭskaha.Prajazdžajučy kala doma № 2a, nie spraviŭsia z kiravańniem, ździejśniŭ najezd na pravy bardziurny kamień i vyjechaŭ za miežy prajeznaj častki, dzie źnios prydarožnaje dreva i ździejśniŭ najezd na aśviatlalnuju mačtu, — raspaviała kiraŭnik pres-słužby DAI Minska Taćciana Charlinskaja .
Pavodle jaje słoŭ, u vyniku DTZ 18-hadovaj pasažyrcy byli naniesieny traŭmy, ź jakimi jana ŭ ciažkim stanie była špitalizavana ŭ reanimacyju BCHMD. Druhi pasažyr ź miesca avaryi ŭciok.
— U kiroŭcy z naradžeńnia adsutničała pravaja ruka. Vadzicielskaha paśviedčańnia jon nikoli nie atrymlivaŭ, — paviedamiła pradstaŭnik DAI.
Kamientary