Studenty pačali kampaniju z patrabavańniem pryviazać košt navučańnia da inflacyi
25 krasavika źjaviŭsia sajt obraschenie.vv.si, jaki pryśviečany hetaj kampanii.
Jak paviedamlajecca ŭ pres-relizie arhanizataraŭ kampanii, studenty chočuć, kab «źmianieńnie koštu płatnaha navučańnia va ŭsich navučalnych ustanovach krainy z 2013 hoda było pryviazana vyklučna da faktyčnaj i zapłanavanaj inflacyi ŭ krainie i prachodziła adzin raz na hod». Padčas kampanii płanujecca sabrać i nakiravać 10.000 elektronnych zvarotaŭ na imia prezidenta Biełarusi i ministra adukacyi.
Studenty zaklikajuć usich nieabyjakavych hramadzian, jakich chvaluje hetaja prablema, dałučycca da kampanii — dapamahčy raspaŭsiudzić infarmacyju pra jaje ŭ sacyjalnych sietkach.
U elektronnym zvarocie zaznačajecca, što ŭ vyšejšych navučalnych ustanovach Biełarusi navučajucca prykładna 445.000 studentaŭ. Ź ich amal 290.000 (65%) vučacca na płatnaj asnovie. Ź vieraśnia 2010 hoda pa krasavik 2013 hoda košt navučańnia na płatnaj asnovie pavialičvaŭsia i pieraličvaŭsia dzieviać razoŭ. Apošniaje pavieličeńnie adbyłosia ŭ krasaviku 2013 hoda. Jak zaznačajuć aŭtary zvarotu, košt navučańnia pavialičyŭsia prykładna ŭ try razy.
«Pastajannaje pavyšeńnie koštu płatnaha navučańnia niehatyŭna adbivajecca na baćkach studentaŭ, jakija ŭ asnoŭnym apłačvajuć ich navučańnie, tamu što baćki nie mohuć płanavać raschody na adukacyju z-za ich pastajannaha pavieličeńnia. Usio bolš i bolš baćkoŭ vymušany zabirać dakumienty svaich dziaciej z VNU ci brać darahija kredyty na navučańnie. Usio heta ŭkazvaje na adsutnaść ekanamičnaj stabilnaści i ŭpeŭnienaści studentaŭ i baćkoŭ u zaŭtrašnim dni», — havorycca ŭ zvarocie, padpisać jaki prapanoŭvaje hrupa aktyvistaŭ.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary