Vyjšaŭ pieršy ŭ historyi Biełarusi zbornik mastackich tvoraŭ, pryśviečanych represavanym.
Vyjšaŭ pieršy ŭ historyi Biełarusi zbornik mastackich tvoraŭ, pryśviečanych represavanym. Aŭtar vydańnia «Niepamiarkoŭnyja. Treciaja sproba» Leanid Marakoŭ raskazaŭ «Salidarnaści», što chavajecca za nazvaj knihi i čym pradstaŭlenyja tvory adroźnivajucca ad inšych na hetuju tematyku.
Usiaho ŭ knizie sabrana niekalki dziesiatkaŭ naveł, hierojami jakich stali ludzi, što trapili ŭ ciski savieckich represij, ci rodnyja represavanych. Leanid Marakoŭ raskazaŭ, što siužety dla svaich tvoraŭ jon nie prydumvaŭ — usie jany amal dakumientalnyja, a šmat u čym i aŭtabijahrafičnyja.
— Padčas pracy nad bijahrafijami represavanych biełarusaŭ, što znajšli adlustravańnie ŭ maim encykłapiedyčnym daviedniku, ja sustrakaŭsia z tysiačami losaŭ, časam vielmi cikavymi i niezvyčajnymi. Na žal, u kancy 80 — pačatku 90‑ch tema represij była krychu zanižana, źviedziena da ślaźlivaha lamantu. U svajoj knizie ja staviŭ zadaču pakazać inšy bok.
Detektyŭna‑pryhodnicki siužet, niečakanyja finały — voś admietnaść hetych apaviadańniaŭ. Nazva knihi taksama vielmi aryhinalnaja i maje hłyboki padtekst.
— Biełarusaŭ zaŭsiody nazyvali pamiarkoŭnymi, — tłumačyć Leanid Marakoŭ. — Maja kniha pra tych, chto nie skaryŭsia, chto zmahaŭsia za prava być čałaviekam, navat koštam ułasnaha žyćcia. U biełarusaŭ užo było dźvie sproby adstajać svoj honar i hodnaść: pieršaja — heta biełarusizacyja 1921‑1928 hadoŭ, druhaja — adradžeńnie 1988‑1994. Niaŭžo treciaja sproba budzie mahčyma tolki jašče praz 60 hod? Svajoj knihaj ja chaču pryblizić hetuju datu.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary