U Ivacevičach milicyjant śmiarotna paraniŭ siabie z tabielnaj zbroi
Akaličnaści vyśviatlajucca.
Jak paviedamili ŭ adździele infarmacyi UUS Bresckaha abłvykankama, heta byŭ niaščasny vypadak.
Kala dvuch tydniaŭ tamu ŭčastkovy milicyjant paraniŭsia ź pistaleta i sam pa telefonie vyklikaŭ «chutkuju dapamohu».Inšych padrabiaznaściaŭ nie rasskazvajuć.
«Heta nie taja situacyja, jakoj možna vychvalacca», — sa skruchaj prakamientavaŭ vypadak načalnik Ivacevickaha RAUSa Alaksandr Huk.Pakul pravodzicca słužbovaja pravierka, akaličnaści spravy nie ahałošvajucca.
Siabry staršaha lejtenanta Alaksandra P. kažuć, što i sami nie viedajuć padrabiaznaściaŭ. Udakładniajuć tolki, što pamior ranicaj 10 lipienia. Nakolki viadoma, u spravie fihuruje mienavita tabielnaja zbroja ŭčastkovaha. Paśla ranieńnia jaho dastavili ŭ balnicu, dzie jon i pamior.
Viadoma, što jon byŭ žanaty.
Kamientary