Za vyzvaleńnie ksiandza Uładzisłava Łazara padpisalisia bolš za 750 čałaviek
Pietycyju arhkamiteta pa stvareńni partyi «Biełaruskaja Chryścijanskaja Demakratyja» za terminovaje vyzvaleńnie ź SIZA KDB katalickaha śviatara, probašča barysaŭskaj parafii Spasłańnia Śviatoha Ducha Uładzisłava Łazara za čatyry dni padpisali ŭžo bolš za 750 čałaviek, paviedamlaje sajt bchd.info.
Padpisać pietycyju možna tut.
Arhkamitet pa stvareńni partyi «Biełaruskaja Chryścijanskaja Demakratyja» zaklikaje viernikaŭ-katalikoŭ i ŭsich biełarusaŭ dałučacca da akcyi salidarnaści i dasyłać listy na adras: 220050, Minsk, a/c 8, SIZA KDB, Łazaru Uładzimiru Michajłaviču.
Nahadajem, što 26 lipienia Alaksandr Łukašenka zajaviŭ: «My niadaŭna zatrymali adnaho sa zdradnikaŭ, jaki słužyŭ u śpiecsłužbach i jaki praz pradstaŭnika Katalickaj carkvy byŭ źviazany z zamiežžam. Jon nie tolki zdavaŭ infarmacyju, ale ad jaho dziejnaści paciarpieli ludzi, jakija pracujuć za miažoj».
Na nastupny dzień praz ksiandzoŭ stała viadoma, što zatrymany 46-hadovy ksiondz Uładzisłaŭ Łazar. Ad krasavika jon byŭ probaščam parafii Spasłańnia Ducha Śviatoha ŭ Barysavie, heta nievialikaja kaplička na mohiłkach, u hłuchim miescy. Mierkavałasia, što na hetym miescy paŭstanie paŭnavartasny kaścioł. Da hetaha ajciec Uładzisłaŭ byŭ ksiandzom u Marjinaj Horcy i Rudziensku.
«Naša Niva» źviazałasia z baćkami śviatara. Pa słovach maci ajca Uładzisłava Janiny Stanisłavaŭny, jaho aryštavali 1 červienia.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary