U Vilejskim rajonie zatrymana bolš za 100 udzielnikaŭ festu Burning summer open air
Pa słovach dziažurnaha milicyjanta, maładyja ludzi zatrymanyja za ŭčynieńnie administracyjnych pravaparušeńniaŭ, jakich mienavita — nie ŭdakładniajecca.
Fiestyval z udziełam
Jak paviedamiła BiełaPAN adna z udzielnic fiestyvalu, hamialčanka Žanna Michiejeva, prykładna ŭ 19.00 na fiestyvali raptam źjavilisia supracoŭniki milicyi i DAI. «Hurtam daviałosia spynić vystupy, a ŭdzielnikaŭ fiestyvalu pačali zatrymlivać i vieźci ŭ Vilejski RAUS, pryčym nie tłumačačy za što. U milicyjantaŭ nie było bejdžaŭ, ich prasili pradstavicca, rastłumačyć pryčynu zatrymańnia, ale ŭsio biezvynikova», — raspaviała dziaŭčyna.
Pavodle jaje słoŭ, udzielnikaŭ fiestyvalu vieźli na niekalkich aŭtamabilach, a potym pryjechaŭ i aŭtazak.
Žanna Michiejeva dakładna nie viedaje, kolki ludziej zabrali ŭ milicyju. Pavodle jaje słoŭ, na fiestyvali prysutničała kala 400 čałaviek, zatrymali prykładna 100–150.
U rajonnym adździele Vilejskaha RAUS viečaram 24 žniŭnia BiełaPAN zajavili, što zatrymana tolki niekalki ŭdzielnikaŭ fiestyvalu, astatnija byli prosta «dastaŭlenyja» ŭ milicyju, a zatym — adpuščanyja. Lik zatrymanych i «dastaŭlenych» u RAUS nie nazvali, spasłaŭšysia na «słužbovaść» infarmacyi. Dziažurny tolki paviedamiŭ, što maładyja ludzi zatrymanyja za ŭčynieńnie administracyjnych pravaparušeńniaŭ, jakich mienavita — nie ŭdakładniŭ.
U anonsie mierapryjemstva ŭ sacyjalnaj sietcy «Vkontaktie» arhanizatary fiestyvalu jašče da jaho pačatku raźmiaścili paviedamleńnie: «My nie chočam bačyć na našym mierapryjemstvie fašystaŭ, rasistaŭ, ksienafobaŭ…. Vam tut nie buduć rady!».
-
Biełaruski dalnabojščyk atrymaŭ vizu dla pracy ŭ polskaj firmie, a jana zbankrutavała. Jaho asudzili za niezakonny ŭjezd u Polšču
-
U Minsku dahetul pracuje siamiejnaje atelje «Lavonicha», stvoranaje jašče ŭ 1962 hodzie
-
Stała viadoma, pa jakich praviłach buduć masava pracaŭładkoŭvać uźbiekaŭ u Biełarusi
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary