Fotafakt: hrodzienskim prakuroram pabudavali novy dom za $4 młn
Novy budynak haradskoj i rajonnaj prakuratury ŭračysta adkryli ŭ aŭtorak, 3 vieraśnia. Navasielle prakurory horada i vobłaści adznačać bližej da siaredziny miesiaca, piša «Viečiernij Hrodno».
Trochpaviarchovy budynak raźmiaščajecca na vulicy Dubko, sprava ad budynka suda Kastryčnickaha rajona. Jak paviedamiŭ staršy pamočnik prakurora vobłaści Uładzimir Ihnacik, na pieršym paviersie raźmieścicca prakuratura Hrodzienskaha rajona, — druhi i treci pavierchi zojmuć supracoŭniki haradskoj prakuratury.
U novym budynkku jość dźvie kanfierenc-zały, u adnoj ź jakich u budučyni płanujecca adkryć muziej historyi orhanaŭ prakuratury, jość trenažornaja zała, a taksama pakoj dla pryjomu ježy. Usie kabiniety asnaščany sučasnaj kamputarnaj i arhtechnikaj. Pa słovach dyrektara AAT «Hrodnaprambud» Abdułvahaba Vahabova, budynak prakuratury pabudavali za adzin hod, vydatkavaŭšy na heta 38 młrd rubloŭ.
Va ŭračystym adkryćci ŭdzielničali staršynia Hrodzienskaha abłvykankama Siamion Šapira, hienieralny prakuror Biełarusi Alaksandr Kaniuk, a taksama pradstaŭniki arhanizacyj, jakija budavali i prajektavali budynak — «Hrodnaprambud» i instytut «Hrodnahramadzianprajekt».
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary