Vyniesieny prysud vinavatamu ŭ DTZ z mašynaj chutkaj dapamohi ŭ Šumilinskim rajonie. Jon asudžany da siami hadoŭ pazbaŭleńnia voli ŭ papraŭčaj kałonii va ŭmovach pasialeńnia i pazbaŭleny prava zajmacca dziejnaściu, źviazanaj z kiravańniem usimi vidami transpartnych srodkaŭ, terminam na piać hadoŭ.
Pra heta paviedamiŭ BiełTA namieśnik načalnika adździeła pa nahladzie za zakonnaściu sudovych pastanoŭ pa kryminalnych spravach prakuratury Viciebskaj vobłasc, dziaržaŭny abvinavaŭca pa hetaj kryminalnaj spravie Siarhiej Sielichanaŭ.
Padsudny asudžany pa č.3 art.317 KK Biełarusi za parušeńnie praviłaŭ darožnaha ruchu asobaj, jakaja kiravała transpartnym srodkam, što paciahnuła pa nieaściarožnaści pryčynieńnie ciažkich cialesnych paškodžańniaŭ, śmierć dźviuch i bolš asob. Abskardzić prysud jon moža va ŭstanoŭlenym paradku.
Rezanansnaje DTZ adbyłosia 23 maja kala 8.15 u Šumilinskim rajonie na 58-m kiłamietry aŭtadarohi Viciebsk — Połack — miaža Łatvii.
U aŭtamabil chutkaj dapamohi ź piaćciu miedykami, što stajaŭ na ŭzbočynie, zzadu ŭrezaŭsia hružany aŭtaciahnik-ciahač DAF.
U vyniku avaryi zahinuli čatyry čałavieki, adzin atrymaŭ ciažkija cialesnyja paškodžańni.
Ciarod zahinułych byli zahadčyca terapieŭtyčnaha adździaleńnia Połackaj Centralnaj haradskoj balnicy Natalla Hudkova, zahadčyca kardyjałahičnaha adździaleńnia Połackaj CHB Iryna Kazačenka, zahadčyca terapieŭtyčnaha adździaleńnia ambułatoryi «Hrom» Valancina Jarmak, zahadčyca Varanickaj balnicy siastrynskaha dahladu Alena Asavik. Paviedamlałasia, što jany jechali na kanfierencyju ŭ Viciebsk.
U chodzie śledstva było ŭstanoŭlena, što kiroŭca hruzavika parušyŭ patrabavańni adrazu niekalkich punktaŭ praviłaŭ darožnaha ruchu: pieravysiŭ chutkasny režym, parušyŭ darožnuju raźmietku i adciahnuŭ uvahu ad kiravańnia transpartnym srodkam. U vyniku jon pierastaŭ kantralavać darožnuju abstanoŭku dy ździejśniŭ DTZ.
Raniej mužčyna ŭžo pryciahvaŭsia da administracyjnaj adkaznaści za parušeńni praviłaŭ darožnaha ruchu.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho3
Kamientary