Dva praktykanty minskaha kaledža ŭ roznyja dni źjaŭlalisia na vytvorčaść u stanie narkatyčnaha apjanieńnia.
Navučency adnaho sa staličnych kaledžaŭ prachodzili vytvorčuju praktyku ŭ cechu na Minskim traktarnym zavodzie. U momant aznajamleńnia z pradpryjemstvam maładyja ludzi pavodzili siabie nieadekvatna, čym pryciahnuli ŭvahu rabotnikaŭ. Achova zavoda vyklikała supracoŭnikaŭ milicyi, kab ustanavić pryčynu ich dziŭnych pavodzinaŭ.
Jak vyśvietliłasia, u abodvuch vypadkach 17-hadovyja navučency znachodzilisia pad uździejańniem asabliva niebiaśpiečnaha psichatropnaha rečyva spajs.
U pieršym vypadku małady čałaviek raskazaŭ, što ŭžo daŭno zachaplajecca ŭžyvańniem kurylnych sumiesiaŭ i zatrymańniem ździŭleny nie byŭ. Pry sabie ŭ chłopca była jašče adna doza psichatropnaha rečyva.
Druhi praktykant u pole zroku milicyi traplaŭ upieršyniu. Na praciahu ŭsioj hutarki zatrymany nie moh narmalna razmaŭlać i reahavać na pytańni milicyi. U maładoha čałavieka pastajanna ŭźnikali halucynacyi i niekantralavanyja dziejańni. Pry sabie ŭ chłopca była kurylnaja trubka, napoŭnienaja spajsam.
U dačynieńni da maładych ludziej raspačatyja kryminalnyja spravy. Pravodziacca śledčyja dziejańni.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary