«Jak Biełaruś dapamahła Rasii» — Arłoŭ i Hierasimovič stvaryli histaryčny kalandar
Piśmieńnik Uładzimir Arłoŭ i mastak Źmicier Hierasimovič pry padtrymcy banka «BiełVEB» stvaryli kalandar na 2014 hod «Brama navuk i mastactvaŭ niaznanych. Kulturny ŭpłyŭ Biełarusi na Rasiju ŭ XVI-XVIII stahodździach».
Kožnamu miesiacu adpaviadaje cikavy fakt ź biełaruskaj historyi: ci viedajecie vy, što Skaryna sprabavaŭ adkryć drukarniu ŭ Maskvie, rasiejski pieršadrukar Ivan Fiodaraŭ pachodziŭ ź Biełarusi, i jaki ŭniosak zrabili našyja suajčyńniki ŭ stvareńnie znakamitaj Car-harmaty?
Kožnamu z faktaŭ adpaviadaje asobnaja staronka z padrabiaznaj historyjaj toj ci inšaj padziei. U vyniku majem adnačasova kalandar i šykoŭna azdobleny padručnik pa historyi, stvorany ŭ lepšych tradycyjach knihi «Kraina Biełaruś».
«Kalandar vydaŭ bank BiełVeb, — raskazvaje Uładzimir Arłoŭ. — Pra ideju ja daviedaŭsia ad načalnika adździeła markietynha Andreja Hary i śpiecyjalista hetaha adździeła Uładzimira Starykoviča.
My davoli plonna papracavali, ja adkazvaŭ za ŭkładańnie i tekst, Źmicier Hierasimovič zaniaŭsia padboram ilustracyj, a kančatkovaja praca nad vydańniem išła ŭ ahienctvie «PinHvin».
Darečy, kalandar vyjšaŭ u niekalkich viersijach — kvartalnik, kišenny i nastolny kalandaryk-domik — atrymałasia stylova i sučasna».
Padobnych kalendaroŭ u Biełarusi jašče nie było — aŭtary imknulisia aktualizavać niekatoryja małaviadomyja ci zabytyja staronki našaj historyi, viarnuć viadomaść šerahu imionaŭ i asobaŭ, vartych našaj pamiaci.
Kalandar maje svajeasablivuju interaktyŭnaść — u kancy kožnaha teksta źmieščany pytańni, jakija mohuć vyklikać dyskusiju.
Spadar Arłoŭ spadziajecca, što kalandar moža stać adpraŭnoj kropkaj dla stvareńnia inšych kalendaroŭ, pryśviečanych biełarusam, jakija ŭnieśli svoj darobak u kultury inšych krainaŭ.
«U našym kalendary vykarystanyja fotazdymki Hieorhija Lichtaroviča, — raskazvaje spadar Uładzimir. — Hetyja zdymki zroblenyja ŭ 80-yja hady, u čas, kali ŭ historyju pačali viartać nadzvyčaj cikavyja, ale zabytyja fakty pra dziejnaść našych majstroŭ u Rasii.
Dla čałavieka daśviedčanaha vialikaj siensacyi ŭ ich nie budzie, ale dla niekatorych jany mohuć stać sapraŭdnym adkryćciom».
Hladzi taksama: «Bank BiełVEB» prezientavaŭ biełaruski kalandar
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary