Pavodle słoŭ pieršaha namieśnika ministra handlu Artura Karpoviča, adnymi ź pieršych da hetaj sistemy padklučylisia bujnyja ŭniviermahi krainy — HUM, CUM, «Biełaruś», «HD «Na Niamizie».
Dahetul zhadanaj pasłuhaj u arhanizacyjach handlu respubliki skarystalisia bolš jak 200 inšaziemcaŭ z 42 krain. Ahulnaja suma aformlenych čekaŭ Tax Free na 4 studzienia skłała 620 młn. biełaruskich rubloŭ, siaredniaja suma čeka — 3,3 młn. rubloŭ, suma viartańnia PDK u siarednim pa adnym čeku — 0,7 młn. rubloŭ.
Tax Free — heta sistema viartańnia padatku na dadadzieny košt (PDK), vypłačanaha pry ažyćciaŭleńni kupli zamiežnymi hramadzianami (fizičnymi asobami, jakija nie majuć pastajannaha miesca žycharstva ŭ dziaržavie — členie Mytnaha sajuza), paśla paćviardžeńnia vyvazu tavaraŭ za miežy Mytnaha sajuza. Heta sistema ŭ Biełarusi raspaŭsiudžvajecca nie na ŭsie, a tolki na asobnyja katehoryi tavaraŭ, što abkładajucca PDK pa staŭcy 20%, i praduhledžvaje viartańnie 15% ad sumy kupli. Pakupniki atrymlivajuć prava na viartańnie PDK pa sistemie Tax Free pry ažyćciaŭleńni kupli na sumu bolšuju za 800 tys. biełaruskich rubloŭ ciaham adnaho pracoŭnaha dnia ŭ adnym mahazinie, jaki biare ŭdzieł u prahramie viartańnia PDK.
5 lipienia 2013 hoda RUP «Biełmytniaservis» stała apierataram sistemy Tax Free. Partniory apieratara — RUP «Biełpošta» i AAT «AAB «Biełarusbank». PDK nie buduć viartać pry kupli tytuniovych vyrabaŭ i ałkaholu. Sa śpisu taksama vypadajuć dziciačyja tavary, pradukty charčavańnia (dla ich ustanoŭleny lhotny PDK) i aŭtamabilnaje paliva.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary