Hieneralny prakuror Ukrainy Alaksandar Miadviedźka vyznačyŭ jak pravilnaje pierakvalifikavańnie ŭ kryminalnuju spravu faktu chulihanstva na hary Havierła, dzie byli apahanienyja dziaržaŭnyja symbali Ukrainy.
U toj ža čas, A. Miadviedźka paviedamiŭ, što składanaść hetaj spravy ŭ tym, što padazravanych hramadzianaŭ z Rasiei atrymać budzie składana z uvahi na toje, što Maskva nie vydaje svaich hramadzianaŭ dla śledstva za miažoj.
V.a. staršyni Sajuzu biaśpieki Ukrainy Valancin Nalivajčanka raniej paviedamlaŭ, što ŭstanoŭlena što akt vandalizmu na najvyšejšaj hary Ukrainy učynili troje maładych ludziej, što naležać da zabaronienaj va Ukrainie arhanizacyi Eŭrazijski sajuz moładzi. Dvoje (Alaksandar Duhin i Pavał Zaryfulin) — hramadzianie Rasiei, jašče adzin — hramadzianin Ukrainy.
Na minułym tydni čalcy Eŭraazijackaha sajuzu moładzi źniščyli ŭ najvyšejšym punkcie Ŭkrainy ściah, hierb i pamiatnuju šyldu z nahody ŭchvaleńnia Kanstytucyi respubliki. ESM. Duhin i Zaryfulin abvieščany va Ŭkrainie personami non‑hrata.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam4
Kamientary