Kryminalnaja sprava za kradziež u asabliva bujnym pamiery zaviedzienaja na dyrektara słonimskaha adkrytaha akcyjaniernaha tavarystva, paviedamili va ŭpraŭleńni Departamienta finansavych rasśledavańniaŭ KDK pa Hrodzienskaj vobłaści.
Pravierku zakonnaści naličeńnia i vypłaty zarpłaty dyrektaru słonimskaha AAT supracoŭniki ŭpraŭleńnia praviali ŭ sakaviku 2014 hoda. Ich cikaviła, nakolki abhruntavana były kiraŭnik akcyjaniernaha tavarystva na praciahu 2011-2014 hadoŭ atrymaŭ vialikija dadatkovyja vypłaty.
Rabotniki finansavaj milicyi vyvučyli dakumienty, jakija rehłamientujuć paradak apłaty pracy dyrektara tavarystva, i vyjavili, što ŭ listapadzie 2011 hoda źjaviłasia dadatkovaje pahadnieńnie da pracoŭnaha kantraktu kiraŭnika, zhodna ź jakim ŭmovy apłaty jaho pracy byli źmienieny ŭ bok istotnaha pavieličeńnia. Pracedura była praviedziena ŭpotaj ad naziralnaha savieta akcyjaniernaha tavarystva, choć pavinna była być razhledžana na jaho pasiadžeńni. U vyniku dyrektar štomiesiac atrymlivaŭ dadatkovyja kampiensacyjnyja i stymulujučyja vypłaty, a taksama štohadovyja šmatmiljonnyja vypłaty ŭ vyhladzie bonusaŭ. Za try hady suma niezakonnych vypłat skłała Br182 młn.
Pa vynikach pravierki ŭ dačynieńni da kiraŭnika pradpryjemstva raspačata kryminalnaja sprava pa č.4 art.210 KK RB (kradziež šlacham złoŭžyvańnia słužbovymi paŭnamoctvami, ździejśnieny ŭ asabliva bujnym pamiery). Sankcyja artykuła praduhledžvaje pakarańnie ŭ vyhladzie pazbaŭleńnia voli na termin ad 5 da 12 hadoŭ z kanfiskacyjaj majomaści z pazbaŭleńniem prava zajmać peŭnyja pasady abo zajmacca peŭnaj dziejnaściu.
Kamientary