U novych haścinicach nieabchodna maksimalna vykarystoŭvać biełaruskuju pradukcyju, zajaviŭ Alaksandr Łukašenka 14 krasavika, udzielničajučy ŭ adkryćci pabudavanaha da čempijanatu śvietu pa chakiei hatela «Reniesans Minsk».
Łukašenka daŭ vysokuju acenku jakaści biełaruskich tavaraŭ. Pavodle jaho słoŭ, biełaruskaja pradukcyja «moža być, nie zaŭsiody vielmi pryhoža zapakavanaja, jak na Zachadzie, ale pa jakaści heta toje, čaho Jeŭropie treba vučycca». Što tyčycca mebli, to niadrenna było b ukamplektavać novyja hateli biełaruskaj pradukcyjaj, adznačyŭ kiraŭnik dziaržavy.
U čas razmovy ź inviestarami i kiraŭnictvam hatela ab padrychtoŭcy hatelnaha piersanału Łukašenka skazaŭ, što biełarusam varta pierajmać dośvied zamiežnych kaleh.
Łukašenka aznajomiŭsia z hatelem, umovami pražyvańnia.
Padčas čempijanatu śvietu tut raźmieściacca delehacyi šaści krain —udzielnic: chakiejnyja kamandy Kanady, Narviehii, Słavakii, Danii, Čechii i Šviecyi.
Kamientary