V.a. prezidenta Ukrainy, staršynia Viarchoŭnaj Rady Ukrainy Alaksandr Turčynaŭ padkreślivaje, što RF kaardynuje i padtrymlivaje terarystaŭ na ŭschodzie, a antyterarystyčnaja apieracyja adnoŭlenaja.
Pra heta jon skazaŭ u svaim zvarocie, jakoje tranślavaŭ telekanał «Rada».
Turčynaŭ padkreśliŭ, što terarysty, jakija ŭziali ŭ zakładniki ŭvieś Daniecki rehijon, užo daŭno pierajšli miežy čałaviečnaści, a ŭzbrojenyja złačyncy zachoplivajuć administracyjnyja budynki i biaruć u zakładniki ŭkrainskich hramadzian i zamiežnych žurnalistaŭ, katujuć i zabivajuć patryjotaŭ Ukrainy.
«Uličvajučy realnuju niebiaśpieku i nieabchodnaść abaranić ludziej, my adnavili antyterarystyčnuju apieracyju, jakaja sistemna i paśladoŭna realizujecca z metaj poŭnaj łakalizacyi terarystyčnaj pahrozy abarony mirnych hramadzian našaj krainy», — padkreśliŭ Turčynaŭ.
U toj ža čas, padkreśliŭ jon, Rasijskaja Fiederacyja «kaardynuje i adkryta padtrymlivaje zabojcaŭ-terarystaŭ, jakija dziejničajuć sa zbrojaj u rukach na ŭschodzie našaj krainy».
«Nie majučy nijakich padstaŭ, kiraŭnictva Rasii dazvalaje sabie nachabnym čynam ŭmiešvacca va ŭnutranyja spravy Ukrainy. Rasija na dziaržaŭnym uzroŭni padtrymlivaje teraryzm u našaj krainie mienavita ŭ toj čas, kali rasijskija hramadzianie ŭvieś čas pakutujuć ad terarystyčnych napadaŭ na svajoj terytoryi», — skazaŭ staršynia VR.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary