U vilenskim handlovym centry Acropolis abrynuŭsia šklany padstrešak
U handlovym centry Acropolis, jaki znachodzicca ŭ Vilni, abrynułasia častka šklanoha dachu nad stajankaj.
Jak paviedamlaje partał Delfi.lt, paciarpieli dźvie dziaŭčyny, ich advieźli na mašynie chutkaj dapamohi ŭ balnicu. Acropolis naležyć litoŭskaj sistemie Maxima, u ryžskim handlovym centry jakoj u listapadzie 2013 hoda zahinuli bolš za 50 čałaviek z-za abvalvańnia dachu.
Incydent u Acropolis adbyŭsia 1 maja kala 13:50 pa miascovym časie. Častka šklanoha padstreška nad parkoŭkaj pablizu budynka abrynułasia, začapiŭšy dźviuch dziaŭčat 1992 i 1993 hadoŭ naradžeńnia. Ich advieźli ŭ balnicu. Lekary zajavili, što atrymanyja imi traŭmy niesurjoznyja i niebiaśpieki dla žyćcia nie niasuć.
Taksama paciarpieła taksoŭka, pryparkavanaja pobač z budynkam centra Acropolis. Mieniedžar handlovaha centra zajaviŭ, što šklany dach upaŭ, vidać, z-za vietru. «Pryčynaj abvału mahła stać vibracyja, vyklikanaja mocnym vietram, abo pierapad tempieratur», — cytuje ITAR-TASS pradstaŭnika handlovaha centra Česłavasa Urbanavičusa.
Pavodle jaho słoŭ, niekalki miesiacaŭ tamu kanstrukcyi Acropolis byli pratestavanyja na biaśpieku. «Nijakich prablem zafiksavana nie było», — adznačyŭ Urbanavičus.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary